Início » Destaques, Libertaçom Nacional

NÓS-UP apresenta primeiro rascunho do Programa Tático para a Rebeliom Popular

Elaborado ao longo dos últimos meses pola Direçom Nacional de NÓS-UP em colaboraçom com BRIGA e AGIR, assim como por militantes e simpatizantes especializados em áreas setoriais, apresentamos as 466 medidas concretas para um governo obreiro e popular, patriótico e feminista.

Tal como se recolhe na apresentaçom do PTRP este documento, que pretende ser o roteiro da esquerda independentista e socialista galega em relaçom às reivindicaçons e luitas do nosso povo e da nossa classe, é umha proposta incompleta, que se irá desenvolvendo, alargando e aperfeiçoando com base nas sugestons, análises e contributos da militáncia obreira, dos movimentos sociais, do associativismo, das ordens profissionais, das organizaçons sindicais e gremiais, das entidades desportivas, culturais, juvenis, de mulheres, ecologistas e ambientalistas, dos mais variados agentes sociais conscientes que a libertaçom do País e emancipaçom do povo trabalhador galego só será possível por meio da independência e o socialismo.

 Som propostas para hoje, para ocupar espaços de contrapoder, para guiar a nossa intervençons nas luitas populares, para a dotar de gps a necessária organizaçom da rebeliom popular.

 Disponibilizamos  o correio eletrónico ptrp@nosgaliza.org onde se poderám enviar até finais de ano propostas e sugestons que contribuam a completar e aperfeiçoar este documento tático.

 Posteriormente o PTRP será editado em papel. Realizaremos apresentaçons públicas em atos políticos e entregaremo-lo o movimento popular para dar a conhecer a nossa alternativa e voltar a recolher as suas opinions.

 Galiza, 3 dedezembro de 2012

 

Descarrega o PTRP [+]



banner1maio cartazVIIAN.
Gráfico2