Dous dias antes do desfile reaccionário convocado em Compostela polo espanholismo, NÓS-Unidade Popular quer transmitir mais umha vez ao povo galego a necessidade de um forte compromisso consciente em defesa do direito colectivo que nos assiste como comunidade lingüística minorizada.

 

A ideologia dominante, empenhada na morte lenta do galego através da estratégia bilingüista, possibilitou que tenhamos que enfrentar umha tentativa de sectores abertamente antigalegos de tomar as ruas do nosso país em defesa do espanhol.

 

É esse um facto grave que exige umha resposta colectiva e firme dos sectores mais comprometidos. A falácia de um espanhol em perigo é umha burda manipulaçom que os meios reaccionários alimentam e as instituiçons toleram e, no caso do PP e de alguns sectores do PSOE, apoiam. É lamentável, nesse senso, a passividade do BNG e dos seus sectores satélites diante desta agressom à nossa dignidade como povo.

 

As provocaçons do espanholismo mais extremistas nom podem ficar sem resposta, e nom ficarám. A base militante de NÓS-Unidade Popular estará em Compostela o domingo, para dizer ao PP e restantes grupos do espanholismo e a extrema-direita que a Galiza é um povo digno que defende a sua identidade e o seu direito à existência.

 

Encorajamos o nosso povo a passar à acçom e recuperar na rua a iniciativa de luita e defesa do idioma, porque se ainda somos galegos e galegas, é por obra e graça do idioma.

 

Direcçom Nacional de NÓS-Unidade Popular

6 de Fevereiro de 2009