Conta recaudaçom fundos para a campanha
2091 0221 13 3040036728 Caixa Galicia
Cara companheira, caro companheiro:
Car@ amig@:
NÓS-Unidade Popular apresenta candidatura nas eleiçons ao Parlamento da Comunidade Autónoma Galega do vindouro 1 de Março. Perante a impossibilidade de o fazermos, por causas alheias à nossa organizaçom, e como inicialmente tínhamos previsto, numha candidatura unitária do soberanismo socialista galego, vimo-nos forçados a concorrer em solitário.
Apesar dessas circunstáncias, consideramos necessário que a esquerda independentista representada por NÓS-UP esteja presente neste novo processo eleitoral.
O continuísmo foi a principal característica deste quatro anos de governo bipartido PSOE-BNG após o afastamento do PP da gestom da Junta de Galiza. A alternáncia, tal como prognosticamos e defendemos em 2005, reproduziu similares políticas económicas e sociais.
Cada vez som mais numerosos os sectores da classe trabalhadora, das mulheres e da juventude galega que questionam a política neoliberal e regionalista do governo de Tourinho e Quintana.
A maioria dos problemas da Galiza e das suas camadas populares, dos retrocessos nas conquistas e direitos sociais, laborais, democráticos e nacionais, nom som fruto das políticas dos partidos sistémicos: emanam da dependência nacional a que nos submete o capitalismo espanhol. Sem podermos exercer o direito democrático de autodeterminaçom e, portanto, sem superarmos os instrumentos jurídico-políticos (Constituiçom e Estatuto) que garantem e perpetuam a nossa opressom e dominaçom, nom é factível mudança algumha na nossa dramática situaçom. Nem o PSOE, nem o BNG mudárom nada, tam só por seguir reproduzindo idênticas políticas mudando levemente as cores e as formas.
Frente às falsas promessas, Tourinho e Quintana nom abrírom umha nova etapa política neste país e, agora, só vam repetir mais do mesmo.
É umha absoluta inutilidade continuar a confiar-lhes o apoio eleitoral, deixando-nos levar pola mil vezes constatada falácia do “voto útil”.
Na Galiza de hoje existe um amplo consenso sobre a gestom neoliberal na política económica, social, ambiental… entre as três forças políticas com representaçom institucional; na Galiza de hoje existe um amplo consenso a respeito do debate territorial e reforma do Estado entre o BNG, PP e PSOE.
Porque continuarmos a entregar cheques em branco àqueles que incumprem as suas promessas eleitorais?
Porque continuarmos a entregar cheques em branco àqueles que aplicam programas que significam perda de postos de trabalho, reduçom de salários, deterioraçom da saúde e do ensino público, espanholizaçom do País, controlo social e cortes nas liberdades e direitos fundamentais?
Porque continuar a entregar cheques em branco àqueles que som inimigos da nossa classe e da nossa naçom, ou bem carecem da valentia política para defender sem ambigüidades e complexos um programa nacional e de classe ao serviço exclusivo da Galiza e do seu povo trabalhador?
Sabemos que nom vamos modificar de imediato o panorama político-social galego, mas estamos firmemente convencid@s de que o apoio que a nossa candidatura atinja contribuirá para reforçar a construçom de um instrumento de resistência e luita aberto a todas aquelas mulheres e homens com firmes convicçons democráticas, independentistas e de esquerda.
Somos umha organizaçom que nom tem nengum tipo de subsídios institucionais, nem ajudas económicas dos poderes fácticos. Para podermos realizar umha campanha eleitoral minimamente digna necessitamos do teu contributo económico.
Agradecemos de antemao a tua ajuda.
Sem outro particular, recebe umha saudaçom independentista, socialista e antipatriarcal do
Comité Eleitoral Nacional de NÓS-UP
Galiza, Janeiro de 2009
