Nom era a intençom de NÓS-UP entrar a fundo nesta campanha numha questom que toda a base social da esquerda soberanista comenta: porque nom umha candidatura única do soberanismo galego?
Nom é este o momento de avaliar os problemas que arrasta o inacabado processo de confluência, para nós imprescindível. Nem sequer queremos atribuir-nos a razom absoluta num assunto complexo em que as responsabilidades seguramente som partilhadas polos diferentes sectores. De facto, o relevante nom é se as correntes existentes sentem mais ou menos aprécio mútuo. A questom é se estamos em disposiçom de assumir o papel que o momento histórico nos exige.
Apesar do dito, declaraçons falseadoras do sucedido nos últimos meses por parte de alguns dirigentes políticos quigérom liquidar a questom com argumentos que em nengum caso podem dar-se por certos, porque nom o som.

Daí que decidíssemos disponibilizar aqui a documentaçom, notícias e informaçons referidas à única iniciativa abrangente de toda a esquerda soberanista posta sobre a mesa por NÓS-Unidade Popular no passado mês de Maio. É importante conhecermos o papel de cada qual e porque nom foi possível o que as necessidades objectivas do nosso país exigiam a uns e a outros.

Nom é a nossa intençom fazer disto um ataque a ninguém. Só queremos deixar constáncia de que o objectivo de NÓS-UP era que no dia 1 de Março se apresentasse umha única candidatura unitária da esquerda autodeterminista. Sem fugirmos da parte de responsabilidade que poda corresponder-nos na fragmentaçom desse espaço sociopolítico, rejeitamos qualquer tentativa de manipular a realidade dos factos documentando o que realmente aconteceu.

- Reuniom aberta para debater sobre a posiçom da esquerda soberanista nas próximas eleiçons autonómicas

- NÓS-Unidade Popular propom umha reuniom multilateral para estudar a configuraçom de umha candidatura unitária, soberanista e de esquerda